Natagpuang patay sa iba’t-ibang bahagi ng San Miguel, Bulacan ang rescuers mula sa Bulacan Provincial Disaster risk Reduction and Management Office o PDRRMO sa kasagsagan ng bagyong Karding noong Setyembre.

• 'Luksang parangal': Bulacan mourns, hails hero rescuers

Nakilala ang mga bangkay na sina Jerson Lopez Resurreccion, Narciso Robles Calayag, Jr., George Enriquez Agustin, Marby Bautista Bartolome at Troy Justin Papa Agustin.

"May nagmessage po sa akin na lima na raw po 'yung patay na nakita. Kinakabahan na rin ako tapos may sinend po 'yun na ano picture. Nakahiga na lang po siya tapos wala na pong buhay talaga. Alam ko 'yung ano eh katawan niya. Umiyak na po ako nu'n kasi hindi po ako makapaniwala na si Daddy po makakasama sa ganu'ng sitwasyon," pagbabahagi ni Angelica Agustin, anak ng rescuer na si George.

Hindi inakala ng mga mahal sa buhay ng limang rescuers ng Bulacan na sila pa ang malalagay sa alanganin.

Maliban sa pagiging bayani ng ating bansa, maituturing ding bayani sila ng kani-kanilang pamilya noong sila ay nabubuhay pa.

At sa kabila ng hindi maitatangging pagdadalamhati, nandoon pa rin ang pagtanggap ng mga naulila na nawala ang kanilang mahal sa buhay sa gitna ng isang misyon.

"Bagama’t kami ay nabigla, dala dala po namin 'yung kaniyang ginawa na kabayanihan para po sa amin," kuwento ng ama ng pumanaw na rescuer na si Marby.

• 'Luksang parangal': Bulacan mourns, hails hero rescuers

Isang kanta ang ginawa at inialay ng anak ni Agustin para sa ama at sa apat na rescuers na hanggang sa huling misyon ay nangibabaw ang pag-aalay ng sarili para sa iba.

RELATED LINKS:

• KBYN: Estudyante na, taho vendor pa
• KBYN: Ang malagong negosyo sa itik sa Victoria, Laguna
• KBYN: Estudyante gumagamit ng unicycle pauwi galing ng eskuwelahan
• KBYN: Lettuce farm sa Pampanga, nabuo sa isang libong pisong puhunan