Watch more News on iWantTFC

MAYNILA - Matagal nang nasa ilalim ng hurisdiksyon ng Makati ang mga tinatawag na EMBO o enlisted men’s barrios, gayundin ang Fort Bonifacio.

Pero noong Setyembre 2022, kinatigan ng Korte Suprema ang Taguig sa inilabas nitong ruling kaugnay sa pinag-aagawang teritoryo ng lungsod laban sa Makati.

Ginamit na ebidensya ng Taguig ang PSU-2031 Survey Plan, isang mapang ipinagawa ng US government noong 1909.

Kumpara sa sketch map na ipinagawa ng Makati sa sarili nitong eksperto, mas matimbang ang ebidensya ng Taguig, ayon sa Korte.

Ayon kay Supreme Court Administrator Raul Villanueva, kailangan munang kumuha ng “writ of execution” ang Taguig para maipatupad ang nasabing ruling.

Sa kabila nito, pumayag na ang Commission on Elections (Comelec) na ilipat na sa Taguig ang mga nasabing EMBO para sa nalalapit na Barangay at Sangguniang Kabataan Elections.

–Ulat ni Mike Navallo, Patrol ng Pilipino

• Supreme Court rejects Makati's bid for second appeal on Taguig territory row
• Makati to Taguig: Writ of execution needed to transfer jurisdiction of 'embo' areas
• Comelec OKs transfer of 10 Makati barangays to Taguig City