Watch more News on iWantTFC

MAYNILA — Wala pang isang taon ang itinagal bago ipinasa ng Kongreso at pinirmahan ni Pangulong Ferdinand Marcos Jr. ang kontrobersyal na Maharlika Investment Fund (MIF).

Kung magtagumpay, nangangako itong magreresulta sa mas maraming mamumuhunan sa Pilipinas.

• Marcos Jr. signs Maharlika Investment Fund into law
• 80 pct of Filipinos have little to no knowledge about Maharlika fund: SWS

Ayon sa batas, kukunin ang P500-bilyon paunang pondo ng MIF sa national government, Land Bank, Development Bank of the Philippines, Bangko Sentral at iba pang government-owned and controlled corporations (GOCCs) gaya ng PAGCOR.

Pero kasunod ng naging reaksyon ng publiko sa unang bersyon ng panukala, ipinagbawal nang mamuhunan sa MIF ang mga institusyon gaya ng SSS, GSIS, Pag-IBIG Fund, OWWA, at PhilHealth.

Sa kabila naman ng pangamba ng ilang eksperto at mambabatas na makaaapekto ang MIF sa serbisyong binibigay ng gobyerno, tiniyak ng economic managers ng bansa na walang gagamiting pondo na nakalaan sa social projects at hindi lalala ang utang ng Pilipinas.

—Ulat ni Sherrie Ann Torres, Patrol ng Pilipino

• Maharlika will not worsen country’s debt: NEDA chief
• EXPLAINER: The Maharlika Investment Fund, as approved by Congress
• Competent managers key to Maharlika fund success: group