MAYNILA (3rd UPDATE) - Dahil sa epekto ng bagyong Karding, walang pasok pa rin sa Martes, ika-27 ng Setyembre, ang mga estudyante sa lahat ng antas sa ilang lugar, ayon sa pahayag ng mga lokal na opisyal.

Kabilang dito ang mga sumusunod:

BULACAN
- San Miguel
-San Ildefonso

QUEZON
- Polillo Islands
- Gen. Nakar

NUEVA ECIJA

PAMPANGA
- Candaba

TARLAC
-Bamban

“Hindi muna namin pinapapasok bukas ang lahat ng ating mga estudyante mula kolehiyo hanggang elementarya,” sabi ni San Miguel Mayor Roderick Tiongson sa panayam sa ABS-CBN TeleRadyo ngayong Lunes.

“Mga teacher siguro, pwedeng pumasok para lang maglinis, katuwang ang mga nanunungkulan sa bawat barangay, kasi marumi po sigurado,” dagdag niya.

Sabi ni Tiongson, may mga barangay sa bayan na nananatiling lubog pa rin sa baha isang araw matapos ang paghagupit ng bagyong Karding.

• Massive flooding leaves residents stranded in San Miguel, Bulacan

Ang pamahalaang panlalawigan ng Quezon naman ang nag-anunsyong walang pasok pa rin bukas sa “bayang lubos na napinsala ng bagyo”, partikular ang Polillo Group of Islands at Gen. Nakar.

Samantala, inilabas ni Gov. Aurelio Umali ang pabatid na "walang pasok sa lahat ng antas, pribado at pampubliko, bukas Septyembre 27, 2022 sa Lalawigan ng Nueva Ecija" bago ang anunsiyong isinasailalim na ang probinsya sa State of Calamity.

• Nueva Ecija placed under state of calamity due to Typhoon Karding

Tumama ang Karding sa Luzon nitong Linggo at nagdulot ng mga pagbaha at pagkasira sa mga kabahayan at ilan pang pasilidad.

Nitong Lunes ay kanselado ang pasok sa lahat ng paaralan at ng mga nagtatrabaho sa gobyerno sa buong Luzon dahil kay Karding.

• Philippines suspends gov't work, classes in Luzon Monday due to Karding threat

KAUGNAY NA VIDEO

Watch more News on iWantTFC