Watch more News on iWantTFC

MAYNILA — Kinumpirma ng Philippine National Police ngayong Biyernes na may bago nang hepe ang Quezon City Police District kapalit ni P/Brig. Gen. Nicolas Torre III.

Nagpahayag ng courtesy resignation si Torre nitong Miyerkoles para magbigay daan sa imbestigasyon ng isinagawa niyang press conference kung saan nagsalita ang na-dismiss na pulis-QC na si Wilfredo Gonzales matapos masangkot sa road rage.

Itinalaga si PNP Public Information Office (PIO) chief P/Brig. Gen. Red Maranan bilang acting director ng QCPD.

Ayon kay PNP Spokesperson P/Col. Jean Fajardo, sa reassignment order, itinalaga naman siya bilang acting PIO Chief.

Umepekto ang unit reassignment nitong Huwebes.

• 18 cops linked to illegal drugs won't get pension: PNP chief

Pinaiimbestigahan naman ni PNP Chief General Benjamin Acorda Jr. ang pagharap sa media ni Gonzales, na inulan ng batikos. Hindi rin nagustuhan ni Quezon City Mayor Joy Belmonte ang nasabing presscon.

• 3 cops test positive in random drug tests: NCRPO

KAUGNAY NA ULAT

Watch more News on iWantTFC