ILOILO CITY - Patay ang isang lalaki habang arestado ang isa pa sa isang illegal drugs buy-bust operation Martes ng gabi sa Barangay North Baluarte sa siyudad na ito.

Nakilala ang namatay na si Daniel Bolante, 29 anyos na residente ng lugar habang arestado naman ang isang lalaking kasamahan nito na kalalabas lang ng kulungan.

• Higit P210-M halaga ng shabu nasabat sa Las Piñas buy-bust; 2 patay
• Higit P3-M halaga ng hinihinalang shabu, nasabat sa 2 buy-bust operation sa Maynila

Sa imbestigasyon ng Iloilo City Police Station 1, nabilhan ng operatiba ang mga salarin ng isang plastic sachet ng hinihinalang shabu sa halagang P2,000.

Nang matunugan na pulis ang ka-transaksyon ay biglang tumakbo ang mga suspek.

Nabaril si Bolante matapos umanong manlaban, ayon sa awtoridad.

Kaagad na dinala sa ospital ang salarin pero idineklara itong dead on arrival ng doktor matapos magtamo ng tama ng bala sa dibdib.

Nakuha sa posesyon umano ng naarestong suspek ang 3 plastic sachet na may lamang pinaghihinalaang shabu. Narekober din umano sa lugar ang isang 38 caliber revolver at isang M26 hand grenade.

Patuloy na iniimbestigahan ng mga awtoridad ang insidente, habang kakasuhan sa paglabag ng batas na may kaugnay sa droga, baril, at pampasabog ang nahuling suspek.

— Ulat ni Rolen Escaniel

KAUGNAY NA BALITA

Watch more in iWantv or TFC.tv