MAYNILA — Handa na ang lahat para sa inagurasyon ni President-elect Ferdinand "Bongbong" Marcos Jr. sa National Museum sa Maynila bukas, Hunyo 30.

Plantsado na ang disenyo ng stage na may bughaw, puti at pulang kurtina — sentro nito ang official seal ng bansa.

Pati ang uupuan ng magiging First Family, government officials, at foreign dignitaries, all set na rin.

• Rehearsal para sa inagurasyon ni Marcos puspusan na

Sampung metro mula sa entablado ay nakahanda na ang public viewing area.

Nasa anim na LED monitors ang itinayo sa bahagi ng National Museum para live na maipalabas ang panunumpa ni Marcos.

10 bomb sniffing dogs ang iniikot sa palibot ng national museum upang matiyak ang seguridad sa inauguration venue ni Pres.-elect Ferdinand Marcos Jr. @ABSCBNNews pic.twitter.com/kcH5nJMg5L

— Reiniel Pawid (@PawidReiniel) June 29, 2022

May 10 bomb sniffing dogs ang oras-oras umiikot sa buong inauguration venue.

Sa labas na ng National Museum magpapalipas ng gabi ang magkaibigang senior citizens na sina Aling Adelita,78 at Aling Angelina,75, para umano makapwesto ng malapit sa oras na manumpa si Pres.-elect Ferdinand Marcos Jr. bukas, June 30. @ABSCBNNews pic.twitter.com/epn1MTwvKX

— Reiniel Pawid (@PawidReiniel) June 29, 2022

Ang ilan sa mga manonood ay sa labas na umano ng National Museum magpapalipas ng gabi ngayong Miyerkoles.

Ang 78-anyos na si Adelita Triño at ang kaniyang kaibigang si Aling Angelina, alas-5 pa lang ng hapon ay nasa National Museum na.

"Gusto sana namin dito matulog para malapit ang puwesto at makita siya personal," ani Triño.

Higit 30 portalets din ang inilagay sa palibot ng venue.

May mga nagtitinda na rin ng bandila sa venue. Naglalaro sa P50 hanggang P350 ang isa, depende sa laki.

Pangungunahan ni Supreme Court Justice Alexander Gesmundo ang panunumpa ni Marcos.

• Marcos camp says inauguration expected to be 'traditional, solemn, simple'

IBA PANG ULAT

Watch more News on iWantTFC