Watch more in iWantv or TFC.tv

Mahaharap sa kasong paglabag sa RA 9165 ang 4 na umano'y tulak ng droga, matapos silang kumagat sa buy-bust operation ng Bulacan PPO sa Barangay Muzon, lungsod ng San Jose Del Monte kamakailan.

Ayon kay Police Brig. Gen. Valeriano De Leon, Central Luzon PNP regional director, 3 lalaki at 1 babae ang inaresto sa operasyon.

Pawang mga taga-San Juan del Monte ang mga suspek na nagbabagsak umano ng droga sa iba-ibang barangay sa lungsod.

• Nasa halos P1.4-M halaga ng 'shabu', nakuha sa 4 na suspek sa Bulacan

Gamit ang boodle money ay positibong nakipag-transaksyon ang poseur-buyer sa mga suspek. Nakumpiska sa kanila ang 14 sachet ng hinihinalang shabu na nagkakahalaga ng mahigit P1.3 million.

• P4.3-M halaga ng shabu nakuha sa suspek sa QC

Samantala, sa Pampanga, isang 35-anyos na lalaki ang nasakote ng pulisya sa buy-bust operation sa Barangay Sta Rita, bayan ng Minalin.

Residente ng Barangay Project 6 sa Quezon City ang suspek at dumarayo umano sa Pampanga para magbagsak ng malaking halaga ng mga hinihinalang marijuana.

Nakabili ng P2,000 halaga ng umano'y marijuana ang poseur-buyer, bago inaresto ng pulisya ang lalaki.

Nakuhanan siya ng 11 rolled plastic wrap ng mga hinihinalang marijuana na may bigat na 8,000 gramo at nasa halagang P960,000.

• P14.3-M shabu sa tea bags, ecstasy nasabat sa Tandang Sora