PatrolPH

Pulis na idinadawit sa ilegal na pagbenta ng armas, patay sa entrapment sa Albay

ABS-CBN News

Posted at May 07 2021 05:29 PM | Updated as of May 08 2021 11:28 PM

Patay ang isang pulis matapos mauwi sa engkuwentro ang entrapment operation laban sa kaniya sa bayan ng Daraga, Albay umaga ng Biyernes. 

Kinilala ang pulis bilang si Police Cpl. Joel Tualla ng Polangui police station. 

Ayon kay Police Lt. Col. Ronnie Fabia, hepe ng Daraga Municipal Police Station, nakatanggap umano sila ng ulat na nagbebenta ng hindi lisensiyadong baril si Tualla. 

Sa kalagitnaan ng entrapment ay bigla na lang umano itong nagpaputok ng baril nang makatunog na pulis ang katransaksiyon nito.

Aabot sa P44,000 ang halaga ng ibinebentang baril ng suspek. 

Nakaligtas naman ang isang pulis matapos tamaan ng bala sa likod dahil nakasuot siya ng bulletproof vest.

May mga narekober din umanong hinihinalang droga kay Tualla. 

— Ulat ni Karren Canon 

PANOORIN: 

Watch more on iWantTFC
Bisitahin ang Patrol.PH para sa iba pang mga balita.