LAMITAN, Basilan—Patay ang isang lalaki matapos umanong manlaban sa buy-bust ng Philippine Drug Enforcement Agency (PDEA) sa highway ng Brgy. Sta Clara sa lungsod na ito Martes ng hapon.

Kinilala ang suspek na si Sawajaan "Bin" Indanan.

• 2 patay sa Rizal drug bust, higit P100 milyong halaga ng 'shabu' narekober

Ayon sa report ng PDEA-BARMM, bumunot si Indanan ng armas matapos matunugan na pulis pala ang katransaksyon niya, kaya napilitan umano ang mga awtoridad na barilin siya.

Isinugod siya sa ospital, pero idineklarang patay habang ginagamot.

• Umano'y tulak patay sa buy-bust sa Cabanatuan City

Isang sachet na puno ng shabu ang nakuha mula sa suspek sa operasyon. Nasa P340,000 umano ang halaga ng nakuhang ilegal na droga na may 50 gramo ang bigat. — Ulat ni Chrislen Bulosan

• P3.4M halaga ng shabu, nasamsam sa babaeng 'tulak' sa Bulacan

KAUGNAY NA BALITA

Watch more in iWantv or TFC.tv