PatrolPH

P3.4M halaga ng shabu, nasamsam sa babaeng 'tulak' sa Bulacan

ABS-CBN News

Posted at Apr 28 2021 07:08 PM

P3.4M halaga ng shabu, nasamsam sa babaeng 'tulak' sa Bulacan 1
Inaresto ang isang babaeng tulak sa isang buy-bust sa palengke sa Barangay Loma de Gato sa bayan ng Marilao sa Bulacan. Larawan mula sa Police Regional Office 3

Hindi na nakapalag pa ang isang 37-anyos na babae matapos arestuhin ng mga operatiba ng Philippine Drug Enforcement Agency Region 3 sa Bulacan, Martes ng gabi.
 
Tubong Caloocan City ang suspek na si alyas Grace. 

Agad na hinuli ang suspek sa isang buy-bust operation sa mismong palengke sa Barangay Loma de Gato sa bayan ng Marilao.

Narekober sa suspek ang isang resealable plastic na may lamang hinihinalang shabu na nasa 500 gramo ang timbang at tinatayang nasa P3.4-milyon ang halaga.

Mahaharap sa kasong paglabag sa section 5 ng Republic Act 9165 o Comprehensive Dangerous Drugs Act ang suspek.

- Ulat ni Gracie Rutao

Bisitahin ang Patrol.PH para sa iba pang mga balita.