Isinailalim na sa state of calamity ang probinsiya ng Leyte dahil sa pinsalang dulot ng bagyong Agaton.

Layon ng deklarasyon na magamit ang calamity funds para maipamahagi ang tulong sa mga apektadong pamilya.

Sa deklarasyong inaprubahan ng Sangguniang Panlalawigan ng Leyte, nakasaad dito na nagdulot ang bagyo ng pinsala sa ilang bayan sa probinsiya, at nagkaroon ng malawakang pagbaha at pagguho ng lupa.

Sa lungsod ng Baybay, umabot na sa 123 ang bilang ng mga namatay dahil sa pagguho ng lupa bunsod ng bagyong Agaton, sabi ni Mayor Carlos Cari nitong Miyerkoles.

• 123 patay sa Baybay, Leyte dahil sa pananalasa ni Agaton: mayor

Apektado rin ang sektor ng transportasyon at linya ng tubig na maiinom sa ilang bayan, kasama na ang sektor ng imprastraktura.

Ang bagyong Agaton ang unang bagyong tumama sa Pilipinas ngayong taon.

• NDRRMC reports 3 more deaths from 'Agaton,' total at 178
• Ilang nasalanta ng 'Agaton' sa Leyte hinatiran ng tulong
• Landslide buries village in Baybay, Leyte: mayor

— Ulat ni Ranulfo Docdocan

KAUGNAY NA VIDEO

Watch more News on iWantTFC