Watch more News on iWantTFC

Kuha ni Tany Dionesi

MAYNILA - Kabilang ang mangingisdang si Allen Melo sa mga nakaligtas nang biglang gumuho ang bundok sa Brgy. Pilar sa bayan ng Abuyog, Leyte, nitong Martes.

Nang bumagsak sa dagat ang gumuhong bahagi ng bundok, nagdulot ito nga mala-tsunaming alon.

Kwento niya, akala niya may papalapit lang na eroplano. Hindi niya inasahang ang narinig niya palang dagundong ay gumuguho nang bundok.

"Ang bilis ng lupa. Pagdating dito, pagbagsak dyan, 'yung malaking alon yun ang tumira dito sa amin. Ito na ang nangyari, lahat 'to ubos," aniya.

• Ilang landslide survivor sa Abuyog sinubukang isalba ang mga gamit

Sa pinakahuling tala ng Leyte Police Provincial Office, nasa 42 na ang kumpirmadong namatay, habang higit 100 pa ang nawawala na posibleng natabunan ng lupa o di kaya ay tinangay ng alon.

• NDRRMC: 61 more dead from Tropical Storm Agaton, total at 137

--Ulat ni Sharon Evite