Nanlaban umanong high-value target patay sa Camarines Sur buy-bust

PILI, Camarines Sur—Nasawi ang isang 43-anyos na lalaking high-value target matapos umano manlaban sa mga pulis sa isang buy-bust operation sa Barangay San Agustin sa bayang ito Huwebes.

Nauwi sa barilan ang buy-bust operation sa Sitio Pagasa matapos una raw magpaputok ng baril ang suspek na si Ronitz Ybanez sa mga pulis.

Mahigit P1.5 milyong halaga ng shabu ang umano'y narekober ng pulisya sa buy-bust.

Bukod sa dalawang pakete ng droga, narekober din ang ginamit umano ng suspek na .38 caliber revolver, ilang bala, basyo, glass pipe, personal na gamit at driver’s license nito.

Ayon sa pulisya, klasipikadong high-value individual si Ybanez, na malawak umano ang operasyon ng droga sa lalawigan. —Ulat ni Jonathan Magistrado

• Lalaki patay sa buy-bust sa Bulacan matapos umano manlaban
• Retiradong pulis at kasamang babae, timbog sa droga sa Tarlac

MULA SA ARKIBO