Halos 75% na ang utilization rate ng COVID-19 beds sa Pampanga, ayon sa mga health officials nitong Lunes.

Ayon sa Pampanga health provincial office, nasa 10,312 na ang kumpirmadong kaso ng COVID-19 sa lalawigan, at 1,800 dito ay aktibo pa rin.

Dahil dito, nag-abiso na ang ilang mga ospital sa Pampanga na malapit nang mapuno ang kanilang mga pasilidad pagkatapos umabot ng 74.7% ang utilization rate ng mga COVID-19 bed sa mga ospital sa probinsiya.

Binuksan na ng provincial government ang bagong isolation facility sa Barangay Santa Catalina sa bayan Lubao.

May 110 capacity ang 5 container vans mula sa DPWH na kinonvert bilang isolation facility sa tulong ng provincial engineering’s office at general servicers office.

• Palengke sa Guagua, Pampanga ipina-lockdown ng mayor

Watch more in iWantv or TFC.tv

• Guagua Church sa Pampanga nagbigay pugay sa COVID-19 frontliners

Bawat kwarto ay may sariling hospital bed, aircon, dextrose, oxygen, at banyo. Ito raw ang nakikitang paraan ng kapitolyo para maresolba ang mabilis na pagsirit ng kaso ng COVID-19 at ang unting-unting pag-puno ng mga nakalaang pasilidad para sa covid sa mga ospital sa lalawigan.

“Dahil po sa surge natin yung mga hospitals, problema na punong-puno hindi na nila ma-accomodate even private, so tutulong rin po kami," ani Pampanga Governor Dennis “Delta” Pineda.

Bukod pa sa Lubao, nakatakda na ring buksan ang isa pang isolation facility na may 90-bed capacity ngayong linggo.

Sa kabuuan, mahigit sa 1,000 ang kapasidad ng lahat ng isolation facilities ng lalawigan sa National Government Administrative Center; Mexico; NCC Athlete’s Village; Lubao; at sa San Fernando City. — Ulat ni Gracie Rutao

• Household lockdown, curfew at liquor ban sa Pampanga, pinalawig hanggang Abril 15

MULA SA ARKIBO

Watch more in iWantv or TFC.tv