MAYNILA — Aabot sa 10 paaralan sa Mandaluyong City ang ginawang center kung saan maaaring magpabkuna laban sa COVID-19, sabi ngayong Miyerkoles ng lokal na pamahalaan ng lungsod kasabay ng pagsasagawa ng dry run para sa vaccination program nito.

Kasama sa mga paaralang ginawang vaccination center ang Pedro P. Cruz Elementary School sa Barangay Barangka Drive, na binisita ni Mandaluyong Public Information Officer Marvin Capco kasama ang mga lokal na health official.

May 6-step process na susundin ang mga taga-Mandaluyong sa pagpapabakuna, na tatagal nang 12 hanggang 15 minuto, ayon sa mga opisyal.

Sa mga nag-pre-register para sa pagbabakuna, kailangan lamang pumunta sa designated vaccination center sa ibinigay na schedule, ani Mandaluyong City Health Officer Alex Santa Maria.

Bawat vaccination site ay may waiting area, kung saan mananatili ang mga babakunahan bago papuntahin sa registration area, kung saan ipapakita nila ang kanilang mga ID at QR code.

LOOK: Mandaluyong City holds simulation of its vaccination process, sets up vaccination center at Pedro P. Cruz Elementary School in Brgy Barangka Drive @ABSCBNNews pic.twitter.com/d4282ESGuH

— Bianca Dava 🐈🐾 (@biancadava) January 27, 2021

Matapos magpa-rehistro, bibigyan ang mga magpapabakuna ng vaccination card at consent form, bago sila sumailalim sa briefing tungkol sa bakuna at counseling.

Kailangan din munang sumailalim sa physical checkup ang tatanggap ng bakuna para matiyak na malakas ang pangangatawan para sa bakuna.

• ALAMIN: Prosesong daraanan ng mga bakuna kontra COVID-19 bago ipagamit
• Allergy, COVID-19 tests not required for vaccination vs new coronavirus — DOH

Mananatili muna ang mga nabakunahan sa observation area sa loob ng 30 minuto hanggang isang oras para bantayan ng mga medical personnel.

Ayon kay Dr. Cesar Tutaan, Mandaluyong City Medical Center hospital administrator, may naka-standby na ambulansiya sa mga vaccination center para sa mga maaaring makaranas ng adverse reaction ng bakuna.

Bukod doon, mayroon ring public information desk, first-aid station, storage at supply area, at food station ang mga vaccination center.

Nitong Martes, umabot na sa 20,000 na taga-Mandaluyong ang nagparehistro para sa vaccination program ng lungsod.

• Master list para sa mga babakunahan kontra COVID-19 inihahanda

Target ng lokal na pamahalaan na mabakunahan ang halos 330,000 residente.

Patuloy umanong nagsasagawa ng information drive ang lokal na pamahalaan para maibsan ang pangamba ng mga residente sa bakuna.

• Philippines to get about 1 million doses of COVID-19 vaccine in February: official

RELATED VIDEO:

Watch more in iWantv or TFC.tv