Pandacan Church, tuloy ang pagdiriwang ng kapistahan kahit na sunog ang simbahan

Jekki Pascual, ABS-CBN News

Posted at Jan 17 2021 08:34 AM | Updated as of Jan 17 2021 08:52 AM

Maraming deboto ng Sto. Niño ang dumalo pa rin sa mga misa sa Pandacan Church sa Maynila kahit na hindi pa tapos ang rehabilitasyon ng simbahan mula sa pagkakasunog noong nakaraang taon at konti lang ang kapasidad. Jekki Pascual, ABS-CBN News

MAYNILA - Bitbit ni Rowena dela Cruz ang maliit na imahen ng Sto. Niño nang pumunta siya sa simbahan ng Pandacan sa Maynila ngayong araw ng Linggo.

Magsisimba siya ngayong Kapistahan ng Sto. Niño, pero di na nakapasok sa compound dahil sa limited capacity ng simbahan. 

Hindi naman ito problema sa kaniya dahil aniya'y may espasyo naman sa kalsada.

May mga LED screens rin doon para mapanood pa rin ng mga deboto ang misa.

Watch more in iWantTFC

Limitado lamang sa 150 katao ang pwedeng pumasok sa Pandacan Church na nasunog Hulyo ng nagdaang taon.

Para kay dela Cruz, na isang frontliner, nakakaiyak aniya na makita ang sunog na simbahan at pandemya pa. Nurse si dela Cruz sa PGH kaya hiling niya na sana'y matapos na ang krisis na dulot ng COVID-19.

Hiling rin niya sa mga Pilipino na sumunod sa mga health protocol. 

Tanaw ang bagong imahen ng Sto Niño de Pandacan kasi inilabas ito para makita ng mga tao. Unang beses lang na inilunsad ang bagong imahen para sa pista ngayon.

Ang lumang imahen na daan-daang taon na ay kasama sa nasunog noong Hulyo.

RELATED VIDEO:

Watch more in iWantTFC

FROM THE ARCHIVES

Watch more in iWantTFC
Bisitahin ang Patrol.PH para sa iba pang mga balita.