View this post on Instagram

A post shared by Dreamscape Entertainment (@dreamscapeph)

MANILA -- Inilabas ng Dreamscape Entertainment nitong Huwebes ang teaser na nagpapakita sa muling pagsasama nina Coco Martin at Julia Montes para sa sikat na serye ng ABS-CBN na "FPJ's Ang Probinsyano."

Sa unang pagkakataon, ipinakilala na si Mara, ang inaabangang karakter na gagampanan ni Montes sa serye.

"Marami nang nangyari. At ngayon parating na ang huling pag-ibig. Julia Montes bilang Mara. Si Cardo totodo sa ika-6 na anibersaryo. Abangan sa FPJ's Ang Probinsyano," ayon sa teaser.

Nito lamang Martes, nagpasalamat si Montes sa lahat ng kanyang mga tagahanga at sumusuporta sa "Ang Probinsyano."

• Julia Montes makes TV comeback, joins Coco Martin in 'Ang Probinsyano'
• Julia Montes, nagpasalamat sa mga tagahanga at manonood ng 'Ang Probinsyano'

Matatandaang unang nagkasama ang dalawa noong 2012 sa seryeng "Walang Hanggang." Huling proyekto sa telebisyon na pinagsamahan ng dalawa ay ang "Wansapanataym's Yamishita's Treasures" noong 2015.

Related video:

Watch more in iWantv or TFC.tv