Muling binuksan sa publiko ngayong Martes ang Manila Baywalk Dolomite Beach, habang marami pa ang naka-bakasyon ngayong holiday season.

Pero hindi na tulad ng dati na pwedeng pumasok basta-basta ang mga gustong mamasyal, dahil kailangan nang kumuha ng online appointment ang mga balak pumunta rito.

May QR code na pwedeng iscan at lalabas na ang booking page na magsisilbi na ring contract tracing.

• Clean-up drive sa Dolomite Beach isinagawa ng DOLE

Makatatanggap sila ng email confirmation para sa kanilang schedule, dahil mabibigyan lang sila ng 1 oras para manatili sa baybayin.

• JV Ejercito says sewage treatment should've been prioritized over aesthetics in Manila Bay rehab

Kapag tapos na ang 1 oras, iaanunsyo ito at palalabasin na ang lahat sa hiwalay na designated exit.

Nasa 300 bisita lang ang pwede kada schedule para makontrol ang publiko.

Kaya naman hindi pa masyadong marami ang bisita sa oras na ito kumpara noong una itong binuksan na dagsa ang mga tao at hindi na naipatupad ang physical distancing.

Bawal din ang 11 years old o masbata dahil hindi pa sila bakunado kontra-COVID-19.

Pinapayagan naman ang walk-in kung hindi nakapag-book basta bakunado.

Pwede pang mamasyal dito hanggang Miyerkoles bago muli itong isara sa December 30.

• Dolomite Beach patuloy na pinapasyalan kahit sarado sa publiko

Sa Enero naman na ulit bubuksan ang dolomite beach pagkatapos ng holiday season.