MAYNILA — Nakaranas ng matinding pag-ulan ang ilang bahagi ng Metro Manila at mga karatig-lugar nito, Martes ng hapon, na nagdulot ng pagbaha sa ilang lugar.

Ayon kay PAGASA weather forecaster Dan Villamil, "intense torrential" na pag-ulan ang naranasan sa Metro Manila, Bulacan, Rizal, Cavite, Batangas, Nueva Ecija, Tarlac, Pampanga, at Zambales.

Aniya, dala ito ng localized thunderstorms.

Samantala, southwest monsoon o hanging habagat ang umiiral sa kanlurang bahagi ng gitna at timog Luzon, sabi ni Villamil.

Kaya simula ngayong gabi o bukas ng madaling-araw (Miyerkoles), asahang magpapatuloy ang mga kaulapan na may mga pag-ulan sa bahagi ng Zambales, Bataan, Mimaropa, Western Visayas at Zamboanga Peninsula, aniya.

• Storm may enter Philippine area Thursday but unlikely to hit land

Ang pag-ulan sa Metro Manila ay nagdulot ng pagbaha sa ilang lugar sa Quezon City, sabi ni Bobot Balbaboco, officier-in-charge ng MMDA Flood Control Information Center.

Para sa iba pang ulat panahon, bisitahin ang ABS-CBN weather center.

• PAGASA: Around 15 cyclones may enter Philippine area in second half of 2022
• Nearly 1 in 4 globally at risk from severe flooding, study says