PANOORIN: Malakas na pagyanig ng lindol sa isang supermarket sa Benguet

Ibinahagi ng tagapamahala sa isang supermarket sa Barangay Pico sa La Trinidad, Benguet ang kanilang CCTV footage sa nangyaring malakas na paglindol nitong Miyerkoles ng umaga.

Makikita sa CCTV na bago mag-8:44 ng umaga nag-umpisa ang lindol. 

Kita ang malakas na pag-alog sa mga istante at sinundan ng pagbagsak ng mga produkto.

Ayon kay Junior Salaysay na nagbahagi ng video, ito ang pinakamalakas na lindol na kaniyang naranasan.

"Sa building, wala namang napinsala, 'yung mga paninda lang po ang na-damage lalo na 'yung mga babasagin tulad ng mga alak, spread, at ibang mga item na nasa bottle," ani Salaysay.

Aniya, agad din silang naglinis at nag-ayos ng kanilang puwesto para agad silang makabalik-operasyon at makapamili na ang mga customer.

• 5 reported dead, 64 wounded in powerful Luzon earthquake, says NDRRMC
• LOOK: M7.0 quake damages heritage structures, churches

—ulat ni Hernel Tocmo