MANILA – Ano nga ba ang dapat tandaan ng mga Pilipino sa pagboto ngayong Mayo 9?

Sa isang programa sa TeleRadyo, nagbigay ng tips si National Citizens Movement for Free Elections (NAMFREL) Chairman Gus Lagman para sa mabilis at maayos na pagboto ngayong Lunes.

Ayon kay Lagman, mas maigi kung maagang boboto sa halalan.

• ALAMIN: Mga paalala ng Comelec sa pagboto ngayong #Halalan2022

Makakatulong din aniya kung may kodigo o listahan na ng mga iboboto.

“Kasi medyo mahaba yung balota natin, marami tayo iboboto eh. Gumawa na tayo ng kodigo para mabilis ang pagboto. So pagdating doon, baka mga 3 minutes tapos na yung pagboto kung meron kang kodigong dala.”

Dagdag pa ni Lagman, dapat tingnan din ng mga botante kung may dumi ang kanilang balota dahil maaari itong makaapekto sa pagbibilang ng boto.

Pagkatapos bumoto, makabubuti kung umuwi na agad ang mga botante para hindi na makasikip sa presinto at maipatupad pa rin ang social distancing, aniya.

--TeleRadyo, 6 May 2022