MAYNILA - Parami na ng parami ang mga babaeng bombero sa bansa pero alam niyo ba na may mga istasyon na puro kababaihan?

Isa na dito ang Pandacan Fire Station, ang kauna-unahang all-female fire station sa Maynila.

Kung dati, pang-opisina lang sila, ngayon, sila na mismo ang nagmamando ng isang buong istasyon at ultimo ang kanilang driver at pump operator, babae rin.

Ayon kay Pandacan Fire Station commander SFO4 Annabelle Padilla, marami ang nagugulat sa tuwing rumeresponde sila sa sunog. Pero pinatutunayan nila na kaya nilang makipagsabayan at walang takot na sumusugod sa nagliliyab na kabahayan.

At kasabay ng pressure ng pagiging isang babae, ginagawa nila itong inspirasyon at tinataya ang kanilang buhay makasagip lang ng mga indibidwal.

Dagdag pa nila, hindi dapat kinakatakutan ang pagpasok sa ganitong larangan. Bagkus, ito ay dapat ipagmalaki dahil wala sa kasarian ang paglilingkod sa bayan.

• Amazing Women: An ABS-CBN News Digital Special for Women's Month
• Amazing Women: Kim Chiu reflects on setbacks, triumphs
• Amazing Women: Two advocates lead the PH comfort women's quest for justice