Watch more News on iWantTFC

MAYNILA – Pinamalas sa marami ng super bagyong Yolanda noong 2013 ang pinsalang dulot ng storm surges o daluyong.

Kahit binabanggit na sa mga babala, hindi naging malinaw para sa marami noon ang tindi ng epekto nito, kaya higit 6,000 ang nasawi.

Sa storm surge, hindi normal ang pagtaas ng tubig at humahampas sa baybayin dahil tinutulak ito ng malalakas na hangin ng bagyo. May epekto rin ang low pressure sa sentro ng bagyo sa lakas ng storm surge.

Mas mataas ang storm surge kapag ang bagyo ay malakas, malawak, mabilis ang galaw at sapul ang direksyon sa baybaying dagat–na lahat nangyari noong Yolanda.

Dumagdag pa rito ang lagay ng coastline na tinamaan nito at laki ng populasyon doon.

Kasunod ng trahedya ng Yolanda, naging bahagi na ang storm surge ng kamalayan sa paghahanda sa mga paparating na unos.

– Ulat ni Ariel Rojas, Patrol ng Pilipino

• 'Better safe than sorry': Babala ng storm surge 'wag balewalain, ayon sa expert
• A Tale of Three Disasters
• WATCH: Tsunami-like power of Yolanda's storm surge
• Tropical cyclones and storm surges: Why they are deadly