MAYNILA — Mula sa ni-raid na Philippine Offshore Gaming Operator (POGO) sa kanyang bayan ng Bamban, Tarlac hanggang sa makuwestiyon sa Senado ang kanyang background–naging laman ng balita at social media sa nakalipas na dalawang linggo si Mayor Alice Leal Guo.

Dahil sa napansing mga agwat sa kuwentong-buhay ng 37-taong-gulang na alkalde, lumutang ang spekulasyon na hindi siya totoong Pilipino o, mas malala, espiya o ahente ng China.

Nadiin din ang ugnayan ni Guo sa pag-usbong ng POGO sa kanilang bayan–bagay na itinanggi ng alkalde, na ngayon nagsabing hindi na niya pahihintulutan ang mga POGO sa lugar.

Sa eksklusibong panayam sa ABS-CBN News, ibinunyag ni Guo na naging malihim siya sa kanyang pagkakakilanlan dahil nalaman niyang anak siya ng kasambahay ng kanyang tatay na Chinese.

Giit niya, Pilipino siyang lumaki sa Pilipinas at piniling maging Pilipino.

Nakatakda muling humarap si Guo sa pagpapatuloy ng pagdinig ng Senado sa Mayo 22. – Ulat ni Victoria Tulad, Patrol ng Pilipino


Hontiveros flags Alice Guo's 'ties with criminals' ahead of 2nd Senate face-off 

EXCLUSIVE: Bamban mayor Guo says she won’t resign, will seek reelection 

[EXCLUSIVE] Guo denies being a Chinese spy: 'I am a Filipino, I love my country' 
Marcos Jr. on selfies with controversial Bamban mayor: ‘That proves nothing’