Watch more in iWantv or TFC.tv

MAYNILA—Patay Martes ng gabi ang isang dating vice mayor ng bayan ng Maragondon matapos pagbabarilin ng kainuman umano sa lungsod ng General Trias, Cavite.

Hindi na umabot nang buhay sa ospital ang biktimang si Nolito Magallanes, 54.

A former vice mayor of Maragondon, Cavite was killed in a shooting incident in General Trias City.

Accd’g to police, Nolito Magallanes, 54, was allegedly shot by someone he earlier had an argument with during a drinking session. pic.twitter.com/L1t6cVc58r

— Anjo Bagaoisan (@anjo_bagaoisan) November 16, 2021

• Pulis timbog sa pamamaril ng 3 estudyante; 1 patay

Kakandidato siya ngayong Mayo para sa muling pagkabise-alkalde.

• Lalaki patay nang pagbabarilin ng riding-in-tandem sa Iloilo

Ayon sa paunang ulat ng awtoridad, nag-ugat ang pamamaril sa sagutan ng kainuman sa bahay ng kaibigan.

Sabi ng pulis, umuwi ng bahay si Magallanes pagkatapos pero sinundan siya ng suspek at pinagbabaril bago tumakas.

Patuloy na iniimbestigahan ng pulisya ang nangyari at hinahanap ang itinuturong gunman.

Nanungkulan si Magallanes bilang bise-alkalde ng Maragondon mula 2004 hanggang 2007. Nagsilbi rin siyang konsehal at barangay official.

Bago maghain ng kandidatura para sa muling pagkabise-alkalde sa Halalan 2022, nagsilbi siyang executive assistant sa tanggapan ni Cavite governor Jonvic Remulla.

Tumanggi munang magbigay ng pahayag ang pamilya ng biktima.

Ayon sa kanila, pagkatapos ma-autopsy iuuwi ang kanyang bangkay sa Maragondon para iburol.

Naulila niya ang asawa at 3 anak.