PAGASA, posibleng magtaas na ng tropical cyclone warning signal sa silangang bahagi ng Northen at Central Luzon ngayong Linggo ng gabi. Bagyong #RositaPH, inaasahang magla-landfall sa Cagayan-Isabela area Martes ng umaga. pic.twitter.com/mpxseVg37P

— DZMM TeleRadyo (@DZMMTeleRadyo) October 28, 2018

Posible pang lumakas ang bagyong Rosita habang papalapit ito sa kalupaan, ayon sa isang forecaster ng PAGASA nitong Linggo.

Sinabi ni PAGASA weather forecaster Aldczar Aurelio sa DZMM na posible pang lumakas ang bagyo, na huling namataan 875 kilometro silangan ng Aparri, Cagayan, dahil makakakuha pa ito ng lakas sa daraanang karagatan.

Kasinglakas umano ng hangin ng bagyong Ompong ang taglay na hangin ni Rosita, ani Aurelio.

May taglay na hanging umaabot sa 200 kilometro kada oras (kph) malapit sa gitna at may pagbugsong 245 kph ang naturang bagyo.

• Rosita's strength, track similar with destructive storms Ompong, Lawin: PAGASA

Kahit na sa Northern at Central Luzon direktang tatama ang bagyo, pinayuhan ng PAGASA ang mga residente ng Southern Luzon at Metro Manila na bantayan ang galaw ng bagyo habang palapit ito sa kalupaan.

Maaaring magtaas ng storm warning signal ang PAGASA pagsapit ng Linggo ng gabi sa mga lalawigan, partikular sa kanlurang bahagi ng Northern at Central Luzon.

Posible ring itaas sa signal number 1 ang Metro Manila gabi ng Lunes.

• Maagang pag-alala sa Undas, hinimok sa pagdating ng bagyong 'Rosita'

Kung magpapatuloy ang kilos ng bagyo sa direksiyong pakanluran sa bilis na 20 KPH, inaasahang magla-landfall si Rosita sa Cagayan-Isabela sa Martes.

Bumisita sa ABS-CBN Weather Center para sa updates tungkol sa lagay ng panahon.