MAYNILA (UPDATED) - Suspendido ang mga biyahe ng mga sasakyang pandagat sa ilang mga lugar sa Pilipinas dahil sa bagyong Paeng.

Ayon sa Philippine Coast Guard, pansamantalang ipinatigil ang mga biyahe sa karagatan ng Sorsogon papuntang Northern Samar simula alas-11 ng umaga Huwebes.

Suspendido rin ang lahat ng biyahe sa mga pantalan sa lalawigan ng Romblon at Masbate.

Suspendido rin ang mga biyahe mula Batangas City papuntang Masbate at Calapan sa Oriental Mindoro.

Ipinagbabawal rin ang paglaot ng mga sasakyang pangisda sa mga karagatan ng Ilocos Norte.

TRAVEL ADVISORY: Sorsogon sea travel suspended as of 11AM, Oct 27 due to #PaengPH

Source: @coastguardph pic.twitter.com/Kd9x7bBpos

— Jacque Manabat (@jacquemanabat) October 27, 2022

Kasalukuyang nakataas ang Signal No. 1 sa mga lalawigan sa Bicol region, Eastern Visayas, Northern Samar, Samar, Biliran, at hilagang bahagi ng Leyte dahil sa bagyong Paeng.

Inaasahan ang malalaking alon sa mga karagatan sa mga nasabing lalawigan.

• Storm Paeng changes track, threatens Southern, Central Luzon
• PCG Cebu cancels sea travel to Visayas areas due to Paeng

KAUGNAY NA ULAT

Watch more News on iWantTFC