PatrolPH

‘On Thursdays we wear pink:’ Mga tagasuporta ni Leni Robredo handa na sa anunsiyo para sa #Halalan2022

Josiah Antonio, ABS-CBN News

Posted at Oct 07 2021 10:59 AM | Updated as of Oct 07 2021 11:50 PM

Mga larawan mula kina Katrina Domingo at Adrian Ayalin, ABS-CBN News.
Mga larawan mula kina Katrina Domingo at Adrian Ayalin, ABS-CBN News.

MAYNILA (UPDATE) — Iba't ibang pamamaraan ang ginawa ng mga taga-suporta ni Vice President Leni Robredo upang ipahayag ang kanilang pagsang-ayon sa desisyon nitong tumakbo sa pagkapangulo sa Halalan 2022.

Bago pa man maghain ng kandidatura si Robredo, ramdam na ang ugong ng sigla sa huni ng "Alapaap" ng bandang Eraserheads sa venue, kung saan ang lead vocalist na si Ely Buendia ay nauna nang nagsabi na magkakaroon ng reunion kapag tumakbong pangulo si Robredo. 

Isang grupo ng mga siklista ang nagtipon sa lugar upang suportahan si Robredo sa kaniyang pagdedekalra ng kadidatura sa pagkapangulo.

"Kami ang mga magiging paa ni Leni," ani Dante Lardizabal, isa sa mga pinuno ng "Bikers for Leni."

"Kami ay mag-iikot para ikampaniya si Leni sa mga nakakasalubong namin sa daan," aniya

Ramdam din ang init na pagtanggap sa lugar hain ang lugaw na kilala nang putahe ng mga kritiko ng bise presidente.

Sa kabila ng pagbabasag sa kanya bilang “Leni Lugaw” naging simbolo naman ito ng kanyang serbisyong publiko.

Ilang mga netizens din ang nagsuot ng pink na damit bilang simbolo ng pakikiisa sa opisyal at hango sa kilalang pelikula na “Mean Girls” sa patok na linyang “On Wednesdays we wear pink” ni Karen Smith (Amanda Seyfried).

Nanguna rin ang Akbayan party-list sa pagsabit ng pink na mga ribbon bilang suporta at paghihikayat kay Robredo na tumakbo bilang pangulo. 

Ayon kay Akbayan 1st nominee Perci Cendaña, hangad nilang pakinggan ng bise presidente ang nais ng publiko na lumaban para sa pinakamataas na posisyon sa 2022. 

“Hindi pwede yung mga kandidatong lesser evil o pwede na, ang kailangan natin yung sigurado at tiyak tayo na maninindigan laban sa patayan, karahasan, korapsyon, laban sa diktadurya at Dutertismo,” ani Cendaña.

Nagpahayag naman ng pasasalamat si Robredo sa lahat ng suportang kaniyang natanggap.

"Maraming salamat po. This is truly heartwarming. Sana makapagpasalamat ako ng personal," aniya sa isang tweet.

—May ulat ni Adrian Ayalin, ABS-CBN News 

KAUGNAY NA ULAT:

Watch more on iWantTFC
Bisitahin ang Patrol.PH para sa iba pang mga balita.