Watch more in iWantv or TFC.tv

MAYNILA—Labindalawa ang inaresto sa magkakahiwalay na operasyon ng pulisya at Philippine Drug Enforcement Agency (PDEA) sa Mandaluyong at Maynila.

Halos 2 kilo o P12.6 milyon ang halaga ng shabu na nasabat sa mga operasyon.

• Higit P1 bilyong 'droga' nasabat sa Cavite buy-bust; 3 huli

3 lalaki nahulihan ng P6.8 milyong halaga ng shabu na nasa Chinese tea bag sa buy-bust sa Mandaluyong City.

📸:NCRPO PIO pic.twitter.com/drmF0ETOQX

— Anjo Bagaoisan (@anjo_bagaoisan) October 6, 2021

• Higit P500-M halaga ng shabu, nasabat sa Bacolod City

Timbog ang 3 lalaki sa buy-bust ng PDEA Calabarzon at Mandaluyong police sa parking lot ng fast-food chain sa Barangay Malamig, Mandaluyong noong Lunes.

Nakalagay ang nasabat na isang kilo o P6.8-milyong halaga ng shabu sa tea bag. Sinabat din ang kanilang gamit na cellphone at sasakyan.

67-anyos na babae na tinuturong supplier ng droga sa Quiapo area, arestado sa buy-bust sa San Miguel, Maynila.
Nahulihan siya ng halos P5-milyong shabu.

📸:MPD PIO pic.twitter.com/N9VeqY2AaS

— Anjo Bagaoisan (@anjo_bagaoisan) October 6, 2021

Sa San Miguel, Maynila, hinuli si alyas Lastrifa, 67, sa isang bahay sa Barangay 648 Lunes ng gabi dahil sa umano’y pagtutulak ng droga.

Ayon sa Barbosa Police, itinuturing ang suspek na source ng droga sa Quiapo.

Nahulihan ang senior citizen ng 16 sachet ng shabu na mahigit 700 gramo o halos P5 milyon ang halaga.

Samantala, timbog naman ang 3 babae at 3 lalaki sa buy-bust sa Raxabago St. kanto ng Juan Luna sa Tondo.

Unang inaresto ng Abad Santos police si alyas Mata, 24, habang hinuli ang iba nang maaktuhang gumagamit umano ng droga.

Nahulihan sila ng nasa 100 gramo ng shabu na may halagang P680,000.

Ayon kay Manila Police District (MPD) director Brig. Gen. Leo Francisco, wala munang maibigay na dagdag na detalye sa operasyon ng mga suspek dahil patuloy pa ang pag-iimbestiga sa kanila at pagtunton sa iba pang sangkot sa bentahan ng shabu.

Mag-live-in partner, inaresto sa buy-bust sa Sampaloc, Maynila

📸:MPD DEU pic.twitter.com/wzBNVHw7iv

— Anjo Bagaoisan (@anjo_bagaoisan) October 6, 2021

Samantala, inaresto ng MPD Drug Enforcement Unit ang mag-live-in partner sa buy-bust sa Barangay 455 sa Sampaloc.

Binilhan si alyas Boss ng P500 ng umano’y shabu pero nahulihan ng 10 sachet o P136,000 halaga ng droga.

Nahaharap ang mga suspek sa kaso ng paglabag sa Comprehensive Dangerous Drugs Act.