PatrolPH

Mga basura balik sa dolomite beach ilang araw matapos ang cleanup

Raya Capulong, ABS-CBN News

Posted at Sep 20 2022 03:39 PM

ABS-CBN News
Nagkalat ulit ang mga inanod na basura sa dolomite beach sa Maynila ngayong ika-20 ng Setyembre 2022, ilang araw matapos ang isinagawang paglilinis noong International Coastal Cleanup Day. Raya Capulong, ABS-CBN News

MAYNILA — Mga basura ang sumalubong sa mga namasyal sa dolomite beach sa Maynila ngayong Martes.

Palutang-lutang sa dalampasigan ang samu't saring basura tulad ng plastic, styro, kahoy, at marami pang iba.

Nakatambak din lang sa gilid ng artificial beach ang mga sakong may lamang mga kahoy at iba pang basurang nakuha rin mismo doon.

Mga basura balik sa dolomite beach

Nitong weekend lamang ay nagtulong-tulong ang mga volunteer at ilang government agencies para sa International Coastal Cleanup Day.

Ilan sa mga namasyal ay nadismaya, bagaman may iba ring namangha pa rin sa dolomite beach.

Puspusan ang paglilinis ng mga tauhan ng MMDA sa lugar simula alas-6 ng umaga.

"Ang pinakamabigat dito, yung mga troso. Minsan, may mga puno, kawayan na malalaki. Katulad n'yan, ilang balik na kaming hakot n'yan," sabi ni Ricardo Mallari, isa sa mga naglilinis sa dolomite beach.

Nanawagan sa publiko ang mga taga-linis na itapon sa tamang lalagyan o lugar ang kanilang mga basura.

KAUGNAY NA ULAT

Watch more News on iWantTFC
Bisitahin ang Patrol.PH para sa iba pang mga balita.