MANILA — Sinimulan na ngayong linggo ang pagpapatayo ng mga permanenteng pabahay para sa mga residenteng nakaligtas sa hagupit ng Bagyong Agaton nitong Abril sa Baybay City, Leyte.

Ayon sa lokal na pamahalaan ng lungsod, patatayuan ng bahay ang nasa 253 pamilyang nawalan ng tahanan matapos tamaan ng landslide ang Barangay Mailhi na isa na ngayong danger zone.

Itinatayo ngayon ang mga nasabing bahay sa Barangay Higulo-an na una nang idineklara ng Mines and Geosciences Bureau (MGB) na ligtas patayuan ng bahay.

Pero nilinaw naman ng lokal na pamahalaan na 40 bahay muna sa ngayon ang itinatayo bilang paunang batch.

Umabot ng 178 katao ang nasawi sa pananalasa ng Bagyong Agaton ngayong taon, habang nasa 111 naman ang nawawala.

• NDRRMC reports 3 more deaths from 'Agaton,' total at 178

— Ulat ni Sharon Evite

BALIKAN:

Watch more News on iWantTFC