Sugatan ang isang babaeng motorista at backrider niya matapos sila mahulugan ng malaking bato habang bumabaybay sa isang national highway sa bayan ng Tomas Uppos, Southern Leyte nitong Martes.

Habang dumadaan ang mga biktima sa Brgy. San Miguel, nahulog ang isang malaking batong naging dahilan sa pagkatumba ng minanehong motorsiklo.

Agad na isinugod ng mga rescuer sa hospital ang motorista at backrider, na ngayo'y patuloy na nagpapagaling sa ospital.

• Tindahan nawasak sa pagguho ng lupa sa Taguig; 1 sugatan

Napag-alaman ng MDRRMO Tomas Uppos na nagpapatuloy ang isinasagawang pagtibag sa bundok sa lugar na bahagi ng proyektong pagpapalapad ng kalsada .

Pinaalalahanan ang mga motorista na mag-ingat sa pagdaan sa lugar.—Ulat ni Ranulfo Docdocan

KAUGNAY NA ULAT

Watch more News on iWantTFC