Inabot hanggang madaling araw ngayong Linggo ang pamimigay ng Department of Social Welfare and Development (DSWD) ng education cash assistance sa Borongan City, Eastern Samar.

Base sa mga larawan na ibinahagi ni Julius Gilbert Mallen bandang alas-2:30 ng madaling araw, makikita na marami pa rin ang tao sa covered court ng Barangay Taboc para kumuha ng ayuda para sa mga estudyante.

• Educational aid distribution improves in 2nd week: DSWD, DILG
• No walk-ins: Some students told to leave DSWD aid queue

Una nang nilinaw ng DSWD na ang may mga priority number lamang ang makatatanggap ng ayuda at walang walk-in.

Target ng DSWD mabigyan ang lahat ng may priority number at mga returnee na mayroon ring priority number.

Kahit marami ang tao sa covered court, maayos ang pila ng mga gustong makatanggap ng ayuda at may mga pulis na nakabantay para sa seguridad ng lugar.

Halos mag-alas-3 na ng madaling araw nang matapos ang pamimigay ng ayuda.

Sa inisyal na bilang, higit 700 benepisyaryo ang nakatanggap ng educational assistance.

• Ilang nais makakuha ng educational aid walang internet, cellphone pang-register

— Ulat ni Ranulfo Docdocan

KAUGNAY NA VIDEO

Watch more News on iWantTFC