33 bala ng baril, nadiskubre sa balikabayan box ng isang babae sa NAIA 1 (📷 MIAA) pic.twitter.com/arzi7PS7EH

— Michael Joe Delizo (@michael_delizo) August 26, 2017

Kumpiskado ang 33 bala ng baril sa isang babaeng pasahero sa terminal 1 ng Ninoy Aquino International Airport (NAIA), Sabado ng hapon.

Papuntang Taiwan si Jean Lolita Abad Manipud-Robles nang ma-detect sa Gate 2 departure entrance na may mga bala sa kanyang balikbayan box.

Kabilang sa mga nakumpiska ang anim na bala ng kalibre-.38 na nakatago sa isang berdeng bote at 27 bala ng kalibre-.45 na nasa kahon ng posporo.

• BASAHIN: Lalaki arestado matapos mahulian ng baril, bala sa NAIA

Pinayagan naman ang pasahero na makahabol sa kanyang flight, pero dumaan muna siya sa dokumentasyon.

Paliwanang ng babae, aksidente niyang nabili ang mga bala na dadalhin niya dapat sa biyahe pa-Taiwan.

Walang kasong isinampa sa babae dahil sa bagong panuntunan ng NAIA na hindi na kakasuhan ang mga mahuhulihan ng bala ng baril kung hindi mapapatunayan na may masama silang intensyon sa pagdadala nito.

Isa lang ang babae sa anim na pasaherong nahulihan ng bala ng baril nitong Sabado.