PatrolPH

2 patay sa pamamaril sa Taguig; mga biktima nagbebenta umano ng droga

Lady Vicencio, ABS-CBN News

Posted at Jul 28 2021 03:11 AM | Updated as of Jul 28 2021 06:28 AM

Watch more on iWantTFC

MAYNILA—Dead on the spot ang 2 lalaking pinagbabaril ng di pa kilalang suspek sa Barangay New Lower Bicutan, Taguig City Martes.

Kinilala silang sina Bernard Siazon, 39, at alyas Jay Ar Lakay.

Ayon sa testigong nagreport ng insidente, nakita pang nagbebenta umano ng ilegal na droga ang 2 biktima sa 1 lalaki. Pero bigla na lang bumunot ng baril ang katransaksyon nila at pinagbabaril ang 2 sa iba’t ibang bahagi ng katawan. 

Narekober sa bangkay ni Jay Ar Lakay ang isang pakete ng hinihinalang shabu. Isang basyo naman ng kalibre-.45 baril ang nakuha sa crime scene.

Kasalukuyang iniimbestigahan ang insidente.

Bisitahin ang Patrol.PH para sa iba pang mga balita.