Nagkabitak-bitak ang bahagi ng kalsada sa harap ng Atiotes Elementary School sa Tobias, bayan ng Fornier sa Antique matapos ang magdamag na pag-ulan na dala ng Bagyong Fabian nitong Lunes.

Pansamantalang hindi madaanan ang bahagi ng nabitak na sementadong kalsada.

• Malakas na pag-ulan nagdulot ng pagbaha sa ilang kalsada sa Maynila

Inaalam na din ng Department of Public Works and Highways ang halaga ng nasirang kalsada at patuloy pa ang ginagawang pagsusuri ng ahensya sa lugar.

Wala namang naitalang nasirang bahay sa lugar, ayon sa Municipal Disaster Risk Reduction and Management Office.

- Ulat ni Rolen Escaniel