Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Pinsalang dulot ng pagbuga ng Taal ng asupre, umabot na sa P24 milyon
Pinsalang dulot ng pagbuga ng Taal ng asupre, umabot na sa P24 milyon
ABS-CBN News
Published Jul 18, 2021 04:52 PM PHT
Taal Volcano mula sa Talisay, Batangas, Hulyo 8, 2021. Jonathan Cellona, ABS-CBN News
Umaabot na sa P24.4 milyon ang pinsala sa mga palaisdaan at pananim sa ilang bahagi ng Batangas dulot ng pagbuga ng Bulkang Taal ng asupre.
Sa datos ng Department of Agriculture (DA), higit P2 milyon ang pinsala sa mga pananim ng kamoteng kahoy, calamansi at palay, habang P22.3 milyon naman sa mga palaisdaan. Naitala ang mga pinsalang sa mga bayan ng Agoncillo, Laurel, at Talisay.
Ayon kay Dennis Arpia, assistant director ng agribusiness and marketing service ng DA, may mga lugar pa silang hindi napuntahan pero umaasa silang hindi na magdudulot ng mas malalang pinsala ang asupre, maliban na lamang umano kung magkaroon ng ashfall.
"Mainit kasi yung asupre, mainit yung ano niya sa mga halaman kaya nasusunog talaga siya," ani Arpia.
ADVERTISEMENT
Sa Barangay Banyaga sa Agoncillo, namatay na ang mga kamoteng kahoy at hindi na mapakinabangan kaya hinugot na lang ang mga ito.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
