PatrolPH

Antique inilagay sa state of calamity dahil sa dengue

ABS-CBN News

Posted at Jul 16 2022 06:09 PM

Isinailalim sa state of calamity ang buong lalawigan ng Antique nitong Huwebes dahil sa patuloy na pagdami ng kaso ng dengue.

Ito ay base sa Resolution No. 047(1)-2022 na naaprubahan ng Sangguniang Panlalawigan ng Antique nitong July 14, 2022. 

Sa latest data na inilabas ng Antique Provincial Health Office umabot sa higit 1,500 na kaso ng dengue habang 6 ang namatay sa buong lalawigan mula Enero hanggang July 15.

Umabot din sa 90 barangay ang nakitaan ng clustering cases ng dengue sa buong lalawigan.

Layunin ng lokal na pamahalaan ng Antique sa pagsailalim ng state of calamity sa lalawigan ay para mas mapaigting ang kampanya kontra dengue sa lugar at magamit ang quick response fund para sa dengue prevention.

Nauna nang sinabi ng Department of Health (DOH) na naaalarma na ito sa pagtaas ng dengue cases sa buong bansa. 

Pinakamarami umano ang mga kaso ng dengue sa Central Luzon, Central Visayas, at Zamboanga Peninsula; habang may pagtaas din sa Cordillera Administrative Region, Western Visayas, Mimaropa, Metro Manila, Cagayan Valley.

— Rolen Escaniel 

PANOORIN

Watch more News on iWantTFC
Bisitahin ang Patrol.PH para sa iba pang mga balita.