Suspek patay matapos umanong manlaban sa Nueva Ecija drug-bust

Patay ang isang lalaki matapos umanong manlaban sa buy-bust operation sa Lupao, Nueva Ecija, sabi ngayong Miyerkoles ng pulisya.

Ayon kay Police Col. Jaime Santos, provincial director ng Nueva Ecija police, nasawi sa operasyon si Sotero Baer.

Nagbebenta umano si Baer ng ilegal na droga sa ilang lugar sa probinsiya.

Nakipagkita ang suspek sa isang pulis na nagpanggap na buyer ng sachet ng hinihinalang shabu. Pero nang aarestuhin na ay bumunot umano ito ng baril at nagpaputok sa mga pulis, ayon sa mga awtoridad.

Dahil dito, gumanti umano ng putok ang mga operatiba na nagresulta sa pagkamatay ng suspek.

• Nueva Ecija drug bust: Suspek patay, P1.1 milyong 'shabu' nasamsam

Narekober sa crime scene ang kalibre .38 na baril, 4 na basyo ng bala, at mga sachet ng hinihinalang shabu na may halagang P40,000.

• Duterte bumanat muli sa posibleng pag-imbestiga ng ICC sa drug war

— Ulat ni Lyza Aquino, ABS-CBN News

RELATED VIDEO