BAUAN, Batangas - Isang 72-anyos na babae ang natagpuang patay sa karagatan ng Bauan, Batangas, Linggo ng hapon.

Ayon sa Philippine National Police, pagkalunod ang tinitingnang dahilan sa pagkamatay ng babaeng residente ng Barangay Aplaya sa nasabing bayan.

Sabi ng PNP, base sa salaysay ng kamag-anak, umaga ng araw ding iyon ay nakita pang naliligo sa dagat ang babae.

• Dalagita nalunod habang naliligo sa sapa sa Capiz
• 5-anyos na bata nalunod sa dam sa Ilocos Norte
• 2 bata patay, 1 nawawala sa pagtaob ng bangka sa Cagayan

Makalipas ang isang oras, hindi pa rin umano ito nakauwi sa kaniyang bahay, kaya agad ipinagbigay-alam sa pamunuan ng barangay.

Agad nagsagawa ng search and rescue, at umabot sa retrieval operation.

Alas-5 na ng hapon nang makita ng dalawang lalaking naliligo sa dagat na sakop ng Barangay San Miguel sa nasabing bayan ang bangkay ng babae.

Nakatakdang isailalim sa autopsy ang bangkay ng senior citizen.

-- Ulat ni Andrew Bernardo