Patay ang isang negosyante matapos barilin ng dalawang lalaki sa harap ng kaniyang bakery sa Dumarao, Capiz, Miyerkoles ng umaga.

Nakilala ang biktima na si Glenn Hamot, 48, at nakatira sa Brgy. Malonoy, Dumarao, Capiz.

Sa imbestigasyon ng Dumarao PNP, habang nakatayo sa harapan ng kaniyang bakery sa Brgy. Poblacion Ilaya ang biktima, ay bigla siyang nilapitan ng dalawang lalaki at binaril.

Mabilis na tumakas ang mga suspek sakay sa isang motorsiklo, habang aagad na dinala sa ospital ang biktima.

Dineklara siyang dead-on-arrival matapos magtamo ng tama ng baril sa ilalim ng kili-kili.

Patuloy pa ang imbestigasyon ng mga awtoridad sa motibo sa nangyaring pamamaril habang nagpapatuloy pa ang pagtugis at pagtukoy sa mga salarin.

Napag-alaman na isang drug surrenderee ang salarin, ayon sa mga awtoridad.

—Ulat ni Rolen Escaniel

• Drug suspect patay nang 'manlaban' sa pulis sa Tarlac

KAUGNAY NA BALITA

Watch more in iWantv or TFC.tv