Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Umabot sa 76 na mga antigong bomba ang narekober ng mga awtoridad mula sa isang hinuhukay na kanal sa Davao City ngayong Hunyo 23, 2021. Kuha ng Calinan Police Station
Umabot sa 76 na mga antigong bomba ang narekober ng mga awtoridad mula sa isang hinuhukay na kanal sa Davao City, Miyerkoles ng umaga.
Unang nadiskubre ang nasa 13 round cartridge na 81mm mortar high explosives at 4 na rounds cartridge ng 81mm mortar illuminator sa mga hinakot na lupa sa dump site ng JV Angeles Construction sa Purok 4, Barangay Lower Lacson, Calinan.
Naalarma ang mga pulis kaya pinahinto ang paghuhukay ng backhoe sa may Narval Road para magsagawa ng clearing operation.
Habang nagsasagawa ng clearing operation, may 44 rounds cartridge na 81mm mortar high explosives at 15 rounds cartridge ng 105mm mortar pa ang nahukay.
ADVERTISEMENT
Ayon kay Police Major Jake Goles, hepe ng Calinan Police Station, ito ang pinakamaraming vintage bomb na nahukay mula nang mag-umpisang maghukay ang JV Angeles para sa pipe laying.
Nakipag-ugnayan na ang Calinan Police sa Explosives Ordnance Division Team ng Task Force Davao para sa proper disposition ng mga vintage bomb.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
