Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Bumigay ang Borja Bridge sa bayan ng Catigbian, Bohol nitong Hunyo 16, 2022. Retrato mula sa Catigbian police
(UPDATE) Isa na namang tulay sa Bohol ang bumagsak nitong umaga ng Huwebes pero wala namang naiulat na nasaktan sa nangyari.
Bandang alas-9:30 ng umaga nang bumigay ang Borja Bridge sa Catigbian matapos dumaan doon ang isang dump truck na puno ng buhangin, ayon kay Maj. Rufo Potane, hepe ng pulisya sa bayan.
Papunta sana sa bayan ng Sagbayan galing sa bayan ng Cortes ang dump truck nang mangyari ang insidente, ani Potane.
Sa ulat ng Catigbian police, unti-unting bumigay ang steel bridge habang dumadaan ang nasabing truck.
ADVERTISEMENT
Ang truck lang umano ang nag-iisang tumatawid sa tulay nang mangyari ang insidente at ligtas naman ang driver nito.
Ayon sa ulat ni Provincial Engineer Camilo Gasatan kay Gov. Arthur Yap, 20 tons lang ang "maximum allowed passer weight" ng nasabing tulay.
Pero ang 12-wheeler double I-beam truck ng Alturas Group of Company, na may bigat na 8 tons, ay may lamang 24 cubic meter wet sand na may bigat na 38.4 tons.
"It is concluded that the collapse was caused by overloading," sabi ni Gasatan.
Noong Abril, bumigay ang isang tulay sa Loay, Bohol na ikinasawi ng 4 na tao.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
