Sarado ang mga opisina ng Commission on Elections sa Davao City simula ngayong buwan hanggang sa Agosto 31, 2021.

Sinunod ng Comelec Davao City office ang inilabas na Executive Order No. 31 ng lungsod, o ang regulasyon sa mga aktibidad sa lahat ng barangay, local at national government offices.

• Comelec 2 million shy of voter registration target for 2022 polls

Kabilang ang voter registration sa mga face-to-face events na ipinagbawal kaya ito sinuspinde muna ng Comelec.

Ayon kay Atty. Gay Enumerables, Assistant Regional Director ng Comelec Davao, naka-work from home din ang kanilang mga tauhan dahil sa ipinatutupad na modified enhanced community quarantine sa Davao City.

Kung sakaling matapos na ang MECQ sa lungsod, maaari nang magbalik-opisina ang mga empleyado ng Comelec Davao, pero suspendido pa rin ang voter registration dahil sa executive order.

Hanggang Setyembre 30 na lang ang voter registration, kaya nababahala si Enumerables sa posibleng pagdagsa ng mga tao.