Patay ang isang 74-anyos na babae matapos mabangga ng isang kotse sa Barangay Pagdugue, Dumangas, Iloilo, Biyernes ng umaga.

Sa imbestigasyon ng Dumangas Police, tumatawid sa kalsada ang biktimang si Desposoria Formalidad nang bigla itong mabangga ng kotse na patungong Iloilo City.

• Lola patay matapos masagasaan ng motorsiklo habang tumatawid sa Davao del Sur

Sa lakas ng pagkabangga ay tumilapon ng ilang metro ang biktima at nabagok ang ulo nito sa semento.

Hindi naman nasugatan ang driver ng kotse pero basag ang windshield at wasak ang bumper nito.

Kaagad na dinala sa ospital ang bikima pero idineklara na itong dead on arrival dahil sa malubhang sugat sa ulo at bali sa iba't ibang bahagi ng katawan.

Nakatakdang sampahan ng kasong reckless imprudence resulting in homicide ang sumukong driver.

- Ulat ni Rolen Escaniel