GENERAL SANTOS CITY, South Cotabato - Patay ang isang 59-anyos na lalaki makaraang mabagsakan ng puno ng balete sa Barangay San sa lungsod na ito, Miyerkoles ng hapon.

Nagbibisikleta ang biktimang si Rogelio Tomis nang tiyempong mabuwal ang puno dahil sa malakas na hangin at bumagsak sa matanda, ayon sa ilang residente.

Idineklarang dead on arrival sa ospital si Tomis.

Daing ng kaniyang biyudang si Julieta, "Masakit talaga para sa amin, hindi pa namin tanggap ang mga nangyari."

Nagdulot ng mga pag-ulan sa malaking bahagi Luzon at Visayas ang bagyong Domeng at ang habagat, ayon sa state weather bureau PAGASA.

• 'Domeng' palalakasin ang habagat; pag-ulan asahan sa Luzon, Visayas

Sa gitna ng masamang panahon, binaha ang ilang lugar sa General Santos City habang sumikip ang trapik sa ilang barangay dahil sa mga natumbahang puno.

Ulat ni Jay Dayupay, ABS-CBN News