Arestado nitong Miyerkoles ang isang Yugoslavian national na wanted sa kasong trafficking sa Compostela, Cebu.

Kinilala ang lalaki na si Steve Hidosan, na may kasong 7 counts ng child abuse at 8 counts ng human trafficking sa Pampanga noong 2010.

Nakapagbayad ng pangpiyansa ang suspek noong 2013 pero nagtago ito.

• 4 na umano'y biktima ng human trafficking, nasagip sa Pampanga

"When we arrived to his area, he was not able to present any documents for his residency, thus he has been in hiding from the case," ani National Bureau of Investigation Central Visayas Director Rennan Oliva.

"But we have been monitoring his whereabouts," dagdag niya.

• 4 babae, nasagip sa 'pedopilyang' Awstralyano sa Pampanga

Dati umanong canine trainer si Hidosan sa Philippine National Police at Philippine Drug Enforcement Agency.

Agad na inilipat si Hidosan sa tanggapan ng NBI sa Maynila para maiproseso ang kaniyang booking procedures.

— Ulat ni Annie Perez