PatrolPH

Nasawi sa Bagyong Agaton sa Baybay, Leyte umabot na sa 126

ABS-CBN News

Posted at Apr 21 2022 02:01 PM

The convoy of helicopters carrying President Rodrigo Duterte passes one of the areas hit by landslides brought by Tropical Storm Agaton in Baybay City, Leyte during an aerial inspection on April 15, 2022. King Rodriguez, Presidential Photo
The convoy of helicopters carrying President Rodrigo Duterte passes one of the areas hit by landslides brought by Tropical Storm Agaton in Baybay City, Leyte during an aerial inspection on April 15, 2022. King Rodriguez, Presidential Photo

MAYNILA — Umabot na sa 126 ang bilang ng mga nasawi sa landslide sa Baybay City, Leyte matapos manalasa ang Bagyong Agaton noong nakaraang linggo.

Ayon kay Baybay City Mayor Jose Carlos Cari, nasa 66 katao pa rin ang patuloy na pinaghahanap sa nangyaring trahedya.

Pahirapan ang retrieval operations sa Barangay Kantagnos dahil hindi pa madaanan ang kalsada nito.

"Inaccessible pa rin 'yung barangay kasi 'yung mga kalsada papunta dun makapal ang landslide," aniya sa panayam sa TeleRadyo nitong Huwebes.

"Ang tanging daan lang ay dito sa pagtawid ng ilog. So ang ginagamit ay speedboat, mga sasakyan ng Coast Guard."

Nasa 700 pamilya naman ang kasalukuyang nasa evacuation centers.

Sabi ni Cari, hindi na puwedeng tirhan ang pinangyarihan ng landslide.

May natukoy na na mga lugar ang lokal na pamahalaan upang gawan ng temporary shelter para sa mga apektadong pamilya.

Watch more News on iWantTFC

 

Bisitahin ang Patrol.PH para sa iba pang mga balita.