Higit P6-milyon halaga ng shabu, nasabat mula sa 2 tulak sa Marawi

MAYNILA—Higit P6 milyong halaga ng hinihinalang shabu ang nasabat ng mga awtoridad sa isang buy-bust operation sa Marawi City Miyerkoles ng hapon.

Ayon sa PDEA BARMM, nahuli nila kasama ng pulis at militar ang 2 suspek na sina alyas Alex at Antik sa naturang operasyon sa Barangay Matampay.

Higit-kumulang 1 kilo ng naturang ilegal na droga ang nahuli sa mga suspek, at ayon kay PDEA BARMM regional director Juvenal Azurin, nasa P6.8 milyon ang halaga ng nasabat na kontrabando, na nakalagay sa isang berdeng plastic teabag.

• Higit P210-M halaga ng shabu nasabat sa Las Piñas buy-bust; 2 patay

Nakumpiska din mula sa mga suspek ang isang SUV, mga dokumento, at ilang cellphone.

Kinasuhan na ang mga suspek ng paglabag ng Comprehensive Dangerous Drugs Act.

• Higit P2-M halaga ng hinihinalang shabu nakuha sa Angeles City

MULA SA ARKIBO